تويتر يبحث عن عمل لابن مرسي

نجل الرئيس المصري محمد مرسي

القاهرة- "ابن مرسى لو عايز يتعين يعمل إيه؟" هاشتاغ أنشأه المصريون على تويتر لإنهاء حيرة نجل الرئيس المصري الذي يبحث عن وظيفة. ومن بين الاقتراحات "العمل في لجنة سياسات حزب الحرية والعدالة، على طريقة عمل جمال مبارك، في لجنة سياسات الحزب الوطني المنحل" أو "يشتغل ريس زي ابوه، لأنه أثبت جدارته في إنه ياخد قرار ويتراجع عنه زي ابوه بالظبط" أو ممكن "يقول لأخوه الذي في السعودية يجيب له عقد عمل ونرتاح منهم". كان نبأ تعيين نجل مرسي الذي تخرج في العام الماضي أثار ردود فعل وانتقادات غاضبة، لاسيما من حملة الماجستير والدكتوراه الذين تظاهروا أمام مقر لحزب الحرية والعدالة، فضلا عن إثارة الخبر نفسه انتقادات واسعة من سياسيين ونشطاء. لكن لماذا حيرة عمر وهو "ممكن يشتغل في شركة من شركات أونكل حسن أو أونكل خيرت، دول شركاتهم في بلدك الحبيبة مصر سيب الوظايف اللي ممكن تيجي لناس تانيه معندهاش واسطة". و"راعي ربنا عشان يباركلك". وقال عمر نجل مرسي في صفحته على فيسبوك الأحد "تقدمت للاختبار للوظيفة وأنا أعلم أنني سوف أهاجم وستنال مني الشائعات والأكاذيب كما نالت أبي وأسرتي منذ توليه المسؤولية"، وتابع "للعلم مرتب الوظيفة ليس بالآلاف ولكنه تسعمائة جنيه شهريا". وقال نجل الرئيس "اخترت ألا أكمل تقدمي بأوراقي لهذه الوظيفة". وطالبه المغردون ان يخبر أباه إن "فيه 8 ملايين عاطلين بيسألوا السؤال ده، وأطلب منه خطة حل المشكلة، واعمل زيهم لأنك مش أحسن من حد". وعلى طريقة الداعية عبد الله بدر، علقت مغردة " الواد ابن مرسي حب يشتغل وقالك بـ900 جنيه بس، قام شباب تويتر مرمطوه،عشان تبقى فاهم يعني". لكن "أنا أعرف إن اللي بيتخرج بيشوف ورق الجيش الأول، أنت عملت كده ولا ده كمان بالواسطة، عزبة أبوك أصلها". وقال آخر "لازم تشتغل في محل موبايلات زي بقية الخريجين اللي مابيلاقوش شغل لحد ما ربنا يفرجها"، "حد يقول له إن فيه 8 ملايين متخرجين قبله بسنين ولسه بيسألوا نفس السؤال"، "أنا عندى صاحبي معاه 7 لغات ومش لاقى شغل مش هاقول أكتر من كدا، يعنى ابن مرسى يغسل صحون أفضل". "وبلاش تمثيل" لأنك "رفضت الوظيفة لما الإعلام هاجمك أنت ووالدك للأسف مش حبًا في بلدك… أما بالنسبة للعاطلين في مصر لهم الله.. أنتم هتمثلوا علينا أرحمونا بقى". "عشان إحنا اتعودنا إن العيلة دي بترجع فى قراراتها على طول، من شابه أباه ما ظلم".